متكسرش حد

لما بتدي أمل لحد يائس وتعشمه في الحياة وتحسسه باﻷمان وبعدين تكسره .. ده أسوأ بمراحل كتير جدا عن إنك أصلا كنت تسيبه يائس زي ما هو .. ﻹنك بتأكد له إنه مش بس غلط لما صدق إن في أمل .. ﻷ ده غلطه اﻷكبر إنه صدقك .. وصدق إنك أمان وسند يقدر يعتمد عليه .. مش بس بتكسره .. إنت بتحطمه تماما .. بتخليه شبح بلا هوية .. واﻷسوأ من كل ده كمان .. إنك تحسسه إنه إرتكب غلطة عمره يوم ما وثق فيك وخلاك تعرف إنه بيثق فيك .. وهو للأسف ميعرفش إنه سلمك حبل المشنقة اللي بإيدك هتخنقه بيه ..
لما متبقاش أمان ولا سند لحد .. متقولش إنك سند وأمان .. ومتدخلش في حياة حد .. وطالما إنت متقدرش على حاجة متعملهاش ومتقولش إنك هتعملها .. مات الكلام .. وماتت المشاعر .. خلاص ..
Gihan Adham