قال فاكرينك ...

عمرو دياب قال فاكرينك من حفلة مارينا Amr Diab Al …: http://youtu.be/hQZhIIaZExw

We all fall in love sometimes .. Elton John ..

Elton John - We All Fall In Love Sometimes/ Curta…: http://youtu.be/YQBWYfsCeC4

خواء ..

خواء ... مجرد خواء .. كل ما حولی خواء .. حتی البشر تتصارع بهم اﻷهواء .. زيف وتدليس وهراء ... ما بين زعم وحقائق وإفتراء .. حياة ضاعت هباء ... أحباب السبيل إليهم سراب .. ومشاعر تسارع اﻹختباء ... ما ببن قرب وإبتعاد وهفوات .. ترنو ﻷحباب وليسوا بأحباب .. كل شيء يختفي ويصبح ثانية .. خواء ..
جيهان أدهم

Angham - wahda bethebak / أنغام - وحده بتحبك: http://youtu.be/2nHAmXQnZmg

The Beautiful Egypt ..

Trust me .. I'll do it ..

Imagine ..

شمس ... و ضياء ... و ... أنا ..

ولا فارق معاهم ..

عن النــاس اللي بتبعد عنهم عشـآن بتحس آنك مش فـارق معـاهم , ولمـا بتبعد بيبقوا هيتجننوا ويكلموك تـاني ..
ولمـا بترجع تكلمهم , ترجع ريمـا لعـآدتهـا القديمه .. .. ويحسسوك إنك ولا حـاجه عندهم . .
أهو دول النـاس اللي مينفعش إنك تعرفهم تـاني لأنك مش لعبه عندهم .

جيهان أدهم ..

غش وخداع ..

بجد هزعل أوي لو لسه في حد بيصدق كدبهم وخداعهم .. أول مرة أتمنى إني كنت أكون راجل وأعرف أقول كلام مش كويس عشان أرد بيه علی الشئ ده .. وحتى الشئ ممكن يكون له لازمة لكن أنا مش عارفة هو لازمة الكائن ده إيه في الدنيا .. اللي عايز يعيش حياته هو وشوية الكلاب التابعين له ويسبب شعبه يتضرب وبلده محتله وعايز كمان جيش مصر يحارب مكانه .. بيتهيألي اللي نفسي أقوله موجود جوه كل واحد بيقرا الكلام ده .. معلش .. أصل ده زمن أشباه الرجال .. والله العظيم بيادة أقل مجند مصري برقبة كلاب حماس كلهم .. نقطة دم واحدة من جندي مصري تساوي فلسطين كلها ... اللي يبيع أرضه ميستناش مصر تدور عليها مكانه .. كفاية كدب وغش وخراب وإدعاءات .. محدش ينسى دم المصريين اللي ماتوا وبيموتوا كل يوم بإيد حماس وأشقاءها .. وعلى فكرة دم ضحايا غزة في رقبة مشعل مش نتانياهو ... حتى لو كان الكلام قاسي بس دي الحقيقة الواضحة الصريحة اللي لازم تعترفوا بيها قدام نفسكم .. عشان تعرفوا مين العدو من الأخ والصديق .. تسقط حماس ويعيش الشعب الفلسطيني وبس ..
#تحيا_مصر

جيهان أدهم ..

ليتهم يفهمون ..

البعض .. نراهم في خير حال وأفضل صورة طالما ظلوا بعيدا ... ولكن ما إن يقتربوا منا .. حتى تتكشف الحقائق وتنزاح الغمامة عن أعيننا .. ونتمنى حينها لو أنهم فقط .. ظلوا مبتعدين .. واحتفظوا بهالة اﻹحترام الوهمية التي نسجها خيالنا حولهم .. ولكن للأسف ... لا هم ظلوا بعيدا .. ولا إحترامنا لهم يبقی ..
ليتهم يفهمون ....

جيهان أدهم ..

هراء ..

البعض من السخافة والسذاجة بحيث يعتقدون إمكانية تأثيرهم في الآخرين أو في رؤية الاخرين لأنفسهم .. والأغرب أنهم وعلى العكس تماما لا يدركون أنهم لا شيء بالنسبة إلينا .. وأننا لا نكترث لأمرهم بالمرة .. وفي أحيان كثيرة نكاد لا نراهم بالأعين المجردة .. ربما لأنهم فعلا أصغر من أن يمثلوا مجرد ذرة بالنسبة إلينا .. وأنهم في واقع الأمر .. مجرد هراء ..

جيهان أدهم ..

فصام فكري ..

البعض مصابون بحالة فصام .. يبدو أنهم يتحولون ما بين ليلة وضحاها أو على الأكثر خلال 24 ساعة .. تستمع إلى الشئ وترى نقيضه تماما .. ينطبق عليهم ما يسميه العامة .. ( أسمع كلامك أصدقك .. أشوف أمورك أستعجب ) ... إما أنه لا مكان لي في هذا العالم ... أو أنني قد أُصِبت بالجنون .. وفي كلتا الحالتين .. أصبح التواجد مستحيلا .. والدنيا صارت هباء ..

جيهان أدهم ..

فقدان بصيرة ..

أعمی القلب فقط هو من يبصر النور فيراه ظلاما ...
وللأسف فهم كثر ...

جيهان أدهم ..

أخلاق ..

بمناسبة اﻷخلاق .. سبحان الله .. كل البرامج الهزلية في مصر في رمضان شهر الصيام .. عبارة عن مقالب سخيفة ما أعرفش إيه وجه المتعة فيها .. ولا في إننا نتفرج علی مذيع بيتريأ علی الضيوف بطريقة تصل إلی حد اﻹهانة ... وهما يسكتوا لﻹعتبارات المادية .. وسبحان الله برضه .. في الوقت اللي تحصل فيه حوادث التحرش والناس كلها بتطالب ب...تشديد العقوبات والرجوع ﻷخلاقنا الكريمة المفقودة .. يظهر نجم معروف في إعلان سخيف عن ( قطونيل ) .. وبأسلوب فج ومبتذل وغير فني بالمرة أساء بيه لنفسه والفيلم والفنان الكبير صاحب اﻷغنية الأصلية المأخوذة في اﻹعلان .. ناهيك عن كل اللى بيحصل في المسلسلات الشتائم والعبارات المبتذلة ..
ووسط كل اللي فات اﻹعلامي الرائع جورج قرداحي بيقدم برنامج فكرته بجد ولا أروع للتقديم في رمضان ... المسامح كريم .. دعوة للتسامح والمصالحة بين أي اثنين تخاصما وفرقتهما اﻷيام .. وبرغم قدم الفكرة والبرنامج ولكنها جديرة باﻹحترام وبخاصة في العرض في شهر التسامح والكرم ..
ولعلها دعوة لعودة أخلاق ذهبت ولم تعد إلينا حتى اﻵن ...
ويبقى القول ..
إنما اﻷمم اﻷخلاق ما بقيت .. فإن هم ذهبت أخلاقهم ذهبوا

جيهان أدهم ..

مصر ..

بسم الله الرحمن الرحيم .. الحمد لله رب العالمين .. الرحمن الرحيم .. مالك يوم الدين .. إياك نعبد و إياك نستعين ... اهدنا الصراط المستقيم ... صراط الذين أنعمت عليهم .. غير المغضوب عليهم .. ولا الضالين .. آمين ..
صدق الله العظيم ..

أبانا الذي في السماوات. ليتقدس اسمك. ليأت ملكوتك.
لتكن مشيئتك. كما في السماء كذلك على الأرض.
خبزنا الذي للغد أعطنا اليوم.
وأغفر لنا ذنوبنا كما نغفر نحن أيضا للمذنبين إلينا.
ولا تدخلنا في تجربة. لكن نجنا من الشرير.
بالمسيح يسوع ربنا لأن لك الملك والقوة والمجد إلى الأبد. آمين.

مصر .. يعني الفاتحة وأبانا الذي في السموات .. يعني أكتب تكبيرات العيد فصديقي المسيحي الديانة .. مصري الهوى والهوية .. يعمل لايك .. يعني عيسى يسوع .. ويحيى يوحنا .. يعني السيدة مريم العذراء المقدسة وأطهر نساء العالمين .. يعني موسى نبي وعيسى نبي ومحمد نبي .. وكل من له نبي .. يصلي عليه ..
اللهم صلي وسلم وبارك علی سيدنا محمدا وعلى آله وصحبه أجمعين وعلى جميع المرسلين دائما أبدا ..
#تحيا_مصر

جيهان أدهم ..

عن إحساسك .. لما حياتك تنضف ..

عن إحساسك لما تثق في حد جدا ويطلع كداب بدرجة أوسكار في التمثيل .. بس رغم كل شيء مش هتفقد ثقتك في نفسك .. برضه هتقوله .. يا صغير أنا أكبر منك ..
وعن إحساسك برضه لما تلاقي حد عمال يقول حاجات كتير .. وفي اﻵخر يطلع مش قد كلامه .. تبقی عايز تقوله .. يا ابني استرجل اﻷول .. وبعدين ابقی تعالی اتكلم معايا ..
وعن إحساسك لما تحب تسيب حاجة إنت مقتنع إن مفيش منها فايدة وإنها واجعالك دماغك عالفاضي .. بتبقی بتقول .. الحمد لله .. قدر الله وما شاء فعل ..
وعن إحساسك لما تاخد قرار وتنفذه وانت مستريح نفسيا رغم إنك كنت فاكر انه قرار صعب .. بيقی علی لسانك جملة .. ياه .. ما كنتش عارف إنها كانت زي شكة الدبوس كده .. بالعكس دي أخف منها كمان ..
وعن إحساسك لما .... مبقاش في حاجة تانية خلاص .. كده كفاية .. في بعض اﻷحيان ربنا بيخلينا نعيش حاجات عشان نتعلم إن في حاجات ملهاش لازمة تكون موجودة أصلا .. وفي حاجات لازم نشوف مدی حقارتها عشان نعرف الحاجات النضيفة بعد كده .. وفي حاجات مجرد ما بتختفي من حياتنا .. بنحس براحة نفسية ملهاش حل .. وبنكتشف قد إيه كانت حاجات متعبة جدا في حياتنا وإحنا مش حاسين .. أهم حاجة في كل ده .. إننا دايما نكون واثقين إن اللي عند ربنا دايما أحسن .. وإن الحمد لله علی كل حال .. الحمد لله ...

جيهان أدهم ..

دهشة ..

حتى أنت .. ولماذا الدهشة .. لا أحد يفهم .. فلماذا كنت أظنك تفعل .. لا تفعل .. ربما كان ذلك أفضل .. وأنت أيتها البائسة .. فقط ارحلي .. ارحلي .. فحقا ذلك أفضل ..

جيهان أدهم ..

مش بنوحشهم .. بس واحشِنّا كتير ..

إحساس سخيف جدا لما تقول لحد غالي عليك جدا إنه وحشك وتُفاجأ برد فعل عادي لا مبالي .. مش مهم .. المشكلة إنهم برضوا بيفضلوا واحشنا وقريبين مننا ..

جيهان أدهم ..

اختيار ..

القلب اللي تخيره ويختار غيرك .. اعرف ان عمرك ما كان لك وجود فيه ولا هيكون ..
خلص الكلام ..

جيهان أدهم ..

مين بيفهم .. ومين بيحس ..

يمكن تكون أجمل حاجة في اﻷيام .. إنها بتعلمنا .. مين فعلا قريب مننا .. ومين فعلا بيحبنا .. ومين كان عايش الدور وبيمثل علينا .. ومين لسه عايش الدور وبيتكلم في ضهرنا .. ومين صحيح مش قريب .. لكن أفضل من القريب . . ومين قريب يا ريته يكون بعيد .. صحيح أيام .. وبتعلم .. يا إما تعلمنا .. أو تعلم في قلوبنا .. ومين يفهم .. ومين بيحس ..

جيهان أدهم ..

البعض .. يدفعوننا نحو الإفتراق ..

بعض اﻷصدقاء يدفعونك دفعا نحو اﻹبتعاد عنهم قليلا حتی ﻻ تفقدهم إلی اﻷبد ... أحيانا تضطر للإبتعاد حينما تشعر أن اﻷمور تسير في اﻹتجاه الخطأ .. وأن اﻵخرين ﻻ يستوعبون حقيقة اﻷمور .. يوما ما سيدركون الحقيقة .. ويتيقنون أن الحال هكذا أفضل .. وإذا لم يحدث .. فهذا يؤكد أن اﻹبتعاد وفي التوقيت المناسب كان حتما هو القرار الصحيح .. ...للأسف .. أصبحت مشكلة تتكرر كثيرا .. ويشكو منها الكثيرون ممن أعرف .. ولكن ما باليد حيلة فدوما .. هناك من ﻻ يستطيعون وضع اﻷمور في نصابها الصحيح .. وﻻ يدركون أن الحال كما يريدون .. هو طريق اﻹفتراق ﻷي صديقين .. ربما حينما يقرأ كل منا هذه الكلمات .. يعيد تقييم علاقاته باﻵخرين ويتخذ اﻹتجاه اﻷصوب في الحفاظ علی هذه العلاقات إذا أراد أصحابها أن تستمر .. عسی أن تستمر صداقاتنا الحقيقية بمن نحبهم .. ونتفهم تماما أن الصداقة تعني طرفين يحافظ كل منهما علی اﻵخر .. ويحترمه ويحترم إرادته مهما كانت ... وليجمع الله كل اﻷصدقاء الحقيقيون علی المحبة والوفاء دوما .. اللهم آمين ..

جيهان أدهم ..

Amr Diab - Kan Koll Haga عمرو دياب - كان كل حاجة

Amr Diab - Aho Laiel We Adda عمرو دياب - أهو ليل وعدي

Nancy Ajram - Eini Alik ( Audio ) / نانسي عجرم - عيني عليك

Nancy Ajram - Ya Tabtab / نانسى عجرم - يا طبطب

Nancy Ajram - Aah W Noss

Wala Ala Balo - Amr Diab ولا على باله - عمرو دياب

El Alem Allah - Amr Diab العالم الله - عمرو دياب

Barsha - Saber El Robaee برشا - صابر الرباعي

Saber El Robaey Sidi Mansour con subtitulos en español

Saharouny El Leil - Ragheb Alama سهروني الليل - راغب علامة

Arab Idol - محمد منير ونانسي عجرم - حارة السقايين

Ayez Meni Eih - Samo Zaen عايز منى ايه - سامو زين

Samo Zaen - Ta3ala Bs / سامو زين - تعالى بس

Amr Diab - We Hekaytak Eh عمرو دياب - وحكايتك أيه

Amr Diab - Garaly Eh عمرو دياب - جرالي أيه

Amr Diab - Khalina Lewahdina عمرو دياب - خلينا لوحدينا

Khaled - C'est La Vie

André Rieu - You Raise me Up

فقط .. أردت أن أستريح ...

عن ريشة في مهب الرياح ... تعصف بها أنی تشاء .. تنوء بحمل ثقيل .. أثقل كاهلها حتى صارت كغصن جاف أوشك علی التحطم تحت وطأة  اﻵﻻم ... تبحث عن مأوی بعيدا عن اﻷعين والعواصف الهادرة .. فيلوح من بعيد ظل كهف بدا كمنقذ من مصير محتوم ... تسارعت اﻵمال بداخلها .. وارتسمت في خيالها بسمة حالمة ... حطت الرحال وسط الكهف وأسبلت جفنيها المزعومين لتخلد للراحة بعد عناء رحلتها الطويلة .. لم تمض دقائق حتى أفاقت من سبانها الحالم ... فتلك القطرات الندية تنزلق من جوانب كهفها المنظور ... توشك علی الغرق في شبر من الماء .. أطلت من عيناها الوهمية نظرة فزعة حائرة .. لماذا ... حتى قطرات الندى .. إلتمعت في الظلام إحداها .. ألقت إليها سلاما دامعا .. طبيعتها ولا تملك لها من سبيل .. تريد اﻹقتراب لتطبع علی ألمها قبلة حانية ... لكن مهلا .. أنت تقتلينني .. تبللين شعيراتي الضعيفة  .. أثقلت كاهل الريشة أكثر فأكثر .. بدا وكأنها الدب الذي قتل خليله ليزيح الذبابة عنه  ... لماذا هذا العذاب اﻷبدي .. لماذا دائما يغرقنا من يريد المساعدة  .. أغرقتها القطرات المتسللة أكثر فأكثر .. تصرخ ... فقط أريد إحتضانك أيتها الريشة البائسة ..  أعدك بإزاحة اﻵﻻم عن كاهلك الضعيف .. إزداد إنهمار القطرات .. وتسارعت خطوات الرحيل .. لم يعد هناك ألم .. ولم تعد هناك قطرات .. فقط صوت القطرات المنحسرة يأتي وكأنه من أعماق سحيقة .. لقد أوفت بوعدها .. أزاحت اﻵلام ... ودفنتها تحت طمي الكهف ...  لقد أراحتها إلی اﻷبد ...

خارج اﻹطار ..

خارج الإطار ..

حد ملاحظ إن فجأة وبدون مقدمات رجعت حماس والجماعات اللي في غزة تضرب صواريخ على إسرائيل ... حد واخد باله إن في محاولة لجر إسرائيل لعمل عسكري ضد غزة .. حد معتقد زيي إن الهدف هو قبام إسرائيل بعمل عسكري تظهر خلاله غزة مسلوبة الإرادة وضحية للإعتداء الغاشم اللي هو في الحقيقة مقصود وبفعل فاعل ..
حد شايف إن التوقيت واللي بيحصل ده متعمد عشان يتم الضغط على مصر لرجوع العلاقات مع حماس تحت ذريعة مساعدة أهالي غزة اللي ملهاش ملجأ ولا ملاذ ولا أي منفذ غير مصر .. وبالمرة حجة لفتح الأنفاق وعودة التهريب وإسقاط الاقتصاد المصري .. ولو مصر رفضت الاستجابة نرجع للعبة الإعلامية القذرة اللي كانوا بيلعبوها أيام مبارك وتشويه صورة مصر وإنها موالية للنظام الأمريكي وعميلة وخاينة ... والمصيبة إن في ناس برضه بتصدق ..
هي حماس وجماعاتها المختلفة في غزة كانوا فين أيام مرسي وكانوا فين من ساعة ما مبارك تنحى أساسا .. بيختفوا فجأة ويظهروا فجأة لتحقيق مصالحهم الشخصية اللي تتفق وتخدم المصالح الأمريكية والإسرائيلية في المنطقة .. أتمنى منقعش في الفخ المرة ولا نستجيب لأي ضغوط .. وأتمنى إن الناس متديش الفرصة للخونة يعملوا أبطال على حساب مصر ..
#تحيا_مصر

Evening Star: Arwen's Destiny

Aragorn's Sleepsong

♫ Lord of the Rings - The Grace of Undómiel (with lyric)

Eleni Karaindrou - Refugee's theme & The weeping meadow

مش ليا ...

قدام عينيا .. بس مش ليا ..عايزني أفرح بحبك ليا ... الفرحة ناقصة ... والنظرة مستخبية .. لو تقدر تقول للناس دي هي ... لو مشاعرك فعلا كاملة ليا .. لو حاسة فرحة قلبك بيا ... لو مش تداري وكمان أداري ... لحظة همس ونظرة لعينيا ...
كان نفسي أقولك ... وأسمعها منك .. ولو لثانية .. كان نفسي تعرف .. بس تعرف ... إنت أغلی الناس عليا ...

الحمد لله ..

Strangers In The Night

My Way

André Rieu - The Godfather Main Title Theme (Live in Italy)

Andre Rieu Celebrates Abba

André Rieu - Titanic

امال ماهر - طوبه فوق طوبه | Amal Maher - Touba Fo2 Touba

#تحيا_مصر

طوبة فوق طوبة وابني .. مصر مكتوبة ﻹبني

شكرا سيادة الجنرال عمر سليمان ..

#تحيا_مصر
#شكرا_عمر_سليمان
#حمدلله_على_سلامتك_يا_مصر

سيادة الجنرال .. ارقد بسلام .. مصر عادت إلى قواعدها سالمة ...
تعظيم سلام .. ...

بسم الله الرحمن الرحيم ..
الحمد لله رب العالمين .. الرحمن الرحيم .. مالك يوم الدين ... إياك نعبد وإياك نستعين ... اهدنا الصراط المستقيم .. صراط الذين أنعمت عليهم .. غير المغضوب عليهم .. ولا الضالين ..
آمين
صدق الله العظيم

فلترقد روحك بسلام .. غفر الله لك .. وتغمدك برحمته وأسكنك جنته مع الشهداء والقديسين ..
شكرا سيادة الجنرال عمر سليمان .. ...

كلنا مصريين ..

من النهاردة خلاص .. السيسي رئيس لكل المصريين بقى رمز مش شخص .. يعني كلنا واحد وكلنا لازم نشتغل عشان بلدنا
#تحيا_مصر
#كلنا_مصريين

شكرا عدلي منصور ...

حقيقي شكرا عدلي منصور

محترم لحد آخر لحظة ..
#شكرا_عدلي_منصور

لو بتحب مصر ... انزل ابني مصر ...

#تحيا_مصر
#السيسي_رئيس_جمهورية_مصر_العربية

عبد الفتاح السيسي رئيسا رسميا لمصر ... دقت ساعة العمل .. وانتهى وقت الخمول والكسل ..

#لو_بتحب_مصر_انزل_ابني_مصر

انكسر قيدك .. لقد تحررت

أيقنت بأن قيدك قد انكسر ..
وبأن قلبك قد طواه الحب ورحل ...
وبأني لم أعد سجينة عشقك المنتحر ..
حررت قلبي بيدي .. وإن كان ثمنه الموت إلى أمد الدهر ...
ما أجمل التحرر من قيود صنعناها .. وآن اﻷوان أن تندثر ..
أو تدري أني كنت جارية في بلاط قلبك الذهبي ...
أو تذكر أني يوما حلمت بعشق غير منتهي ...
لم تعرف يوما معنى حب أو كرامة عاشق ..
فما إحتياجي إلى قيدك العاجي ...
ها أنذا أعلن حريتي .. بعد أسر طويل في بلاطك الملكي  ...
بيدي حررت نفسي وما لك من سبيل إلى قلبي ...
فقد مات موته اﻷبدي  ...

جيهان أدهم

دنيا سمير غانم | يوم عادي جدا - Donia Samir Ghanem | Youm 3ady Geddan

Haga Mestakhabeya, حاجة مستخبية -- Mohamed Hamaki, محمد حماقي -- Coke St...

Mohamed Hamaki - Ahla Haga Feeki / محمد حماقي - أحلى حاجة فيكى

Amr Diab We Malo عمرو دياب - وماله

اخترت الرحيل ..

من أجل عينيك أكتب .. ومن أجل عينيك السكون ... لا صوت فوق صوتك يعلو .. ولا حب أيضا قد يكون .. اخترت الرحيل اليوم بيدي .. قبل أن يغدو شيء مهين ..

أنا أصلي عاشقة .. ودايبة فيك

نفسي أشوفك ولو من بعيد ...
أو ألمح طيفك .. ده يوم العيد ...
نفسي تلمس يوم إيديا ..
أو عينيك تيجي في عينيا ..
نفسي أقولك .. ومهما أقولك ......
ما أقدرش أوصف و لو شوية ..
من جنون إحساسي بيك ..
هفضل عايشة عشان بحبك ..
وأفضل دايبة في حبي ليك ...

جيهان أدهم ..

كفاية سخافة ..

 وبعدين بقى .. إحنا ابتدينا مرحلة الظُرف ...
مش هنبطل حكاية اﻹغتيال السياسي دي .. واللي يغيظ موضوع المتطوعين دول اللي ملكيين أكتر من الملك نفسه ..


تعليقا على تقديم بلاغ في الإسكندرية يتهم صباحي بالتخابر وتلقي الأموال من الخارج

أبدا .. لن يموت عمر سليمان ..

صورة نادرة للجنرال عمر سليمان سنة ١٩٥١

بصراحة ما صدقتش ... الله يرحمه ...
اللي زي عمر سليمان مش ممكن يموت ..
كفاية محبة الناس وأعماله تحييه في قلوبنا طول العمر ...
الجنرال .. عمر سليمان .. تعظيم سلام ...
#تحيا_مصر

من غير سلام .. يا مجيدة ..

العميقة بتسلم على مجيدة وبتقولها من غير هتوحشينا .. ما نشوفش وشك تاني ... ومن غير مع السلامة ...

#تحيا_مصر

عارف ... وعامل مش عارف ...

أجمل حاجة في الدنيا إنك تحلم بأقرب حد ليك في حياتك ... اليوم ده بيبقى بعمرك كله .. وخصوصا لو كان الحد ده يستاهل ... وخصوصا كمان لما يكون عارف إنه أقرب حد وإنه الوحيد ..ومفيش غيره تحت أي إعتبار ... على فكرة أنا بأتكلم عنك .. وكالعادة عامل مش عارف .. بس مهما حصل هتفضل الوحيد وبس ويستحيل يكون في حد حتى يقرب من المكانة دي أيا كان ... وكل يوم بتأكد ليا إني على حق .. ميرسي على كل حاجة بجد ..

تمثال مش بيحس .. بس ممكن يقتل ...

 تمثال جميل وصورة حلوة ... لكن في اﻵخر مجرد تمثال ... حجر .. مش بيحس ولا بينطق ولا بيسمع لكن لو وقعت منه قطعة واحدة ممكن جدا تقتل اللي وقعت عليه ... عشان كده .. دي كانت آخر مرة .. وده وعد ..

خليك في حالك ..

ولما تقدر تخليك في حالك .. تفرض نفسك على الناس ليه ..



بيسألوكي ..

بيسألوكي ... ليه عينيكي دايما حزينة ..
والبسمة اللي كانت ... راحت فين يا مسكينة ..
قوليلهم مفيش .. بس دنيا ودايرة يا ناس بينا ..
يوم في فرح وهنا .. وسنة الحزن يواسينا ..
لا جرح يوم يتقفل .. ولا عاد طبيب يداوينا ...

جيهان أدهم ..

ما الرجاء من حب قد رحل ..

أيا دمع قد سال على حب بلا أمل ..
أيا عين بكت ليال طال بها السهر ...
أيا قلب من لوعة الحب احتضر ...
أيا شمس ذهب ضياؤها واندثر ..
لا موت بعد موت ... فما الرجاء من حب قد رحل ..

جيهان أدهم ..

يا رب احمي مصر .. كلنا مصريين ..

#تحيا_مصر

اﻹنتخابات خلصت خلاص .. أيا كانت النتيجة .. كلنا مصريين .. والكل واحد .. يا رب احمي مصر ..

ضيف ثقيل ... فارتحل ..

عندما يأتي المساء ... وتستحيل الحياة إلى خواء ..
وتجف حبات المطر .. ويصير السكون صوت البكاء ..
عندما تغدو وحيداً .. وتغدو بلا نجوم أو حتى سماء ..
عندما تغيب الشموس .. وتذهب أطياف حب قد رحل ...
تدرك أنه آن الأوان .. وأن الرحيل أمر قد صدر .....
تدرك أنك ضيف ثقيل .. في دنيا غاب نهارها ... وارتحل ...

جيهان أدهم ...

سلملي على حد ...

ما تفكرش إنك مهم عند حد .... عشان حد ده مش شايفك أساساً ولو طال ممكن يلغيك من حياته .. ده إذا كان لك أصلا وجود فيها
سلملي على حد .. وقوله .. إنت غالي عليا أوي ..

جيهان أدهم ..

بأدور على اللي يبنيها ...

وأدَوّر في الشوارع وفي الرسوم وعالحيطان ..

فين الشاب اللي راجع وبلقمته شقيان ..
فينك يا ابن البلد ياللي انت حاميها ..
كنت فاكراك راجل .. وانت اللي تحييها ..
لقيتك قاعد وشاغلك كلام ما يسوى كلام ......
لا نافع معاك محايلة ولا حتى هزك ملام ..
خايفة يقولوا البلد حاميينها ستاتها ..
ما كانش عشمي فيك ..قوم واتكسف هاتها ..
خدها في قلبك واحلم تعليها ..
وإن ضاع في يوم حلمها بإيدك إحييها ...
دي مصر باقية يا ولدي بس انت تبنيها ....
ابني واعلي لفوق .. وارفع مبانيها ..

#تحيا_مصر

جيهان أدهم

تعيشي يا مصر ..

تعيشي يا مصر وفيكي الرجال .. يقفوا وراكي يهدوا الجبال
يجيبوا الشمس لو تأمريهم .. وفي سبيلك يشدوا الرحال
رافعين راياتك في السما .. حالفين يعلوا الملحمة
نصرك وعلمك فوق الراس مرفوع ..
أو دونهم شهادة والسلاح مرفوع .. ...
خلاصة الكلام يا بلدي .. جاي الولد ...
بس اصبري معايا .. ده الصبر عايز جلد
هأفضل حارس وشايلك .. جوه قلبي تمام ..
زي ما شيلتي همي .. ومقامك ب 1000 مقام..
#تحيا_مصر

جيهان أدهم

كفاية كسل ..

يا ريت اﻹخوة الكسلانين أعضاء حزب سريركوا بيوتي هاوس .. يسيبوا السرير النهاردة وينزلوا يدلوا بأصواتهم ... كفاية كسل وتهريج .. ده وقت الجد ...

والله عيب ..

يعني عيب على البهوات اللي مش نازلين .. الجسمي الإماراتي يغني لمصر وسامو زين يقول يتمنى يكون مصري عشان ينتخب .. مش مكسوفين من نفسكم

بحبك ... ولو مش فارقة معاك ..

بحبك ..ولو مش فارقة معاك بحبك ...
بحبك .. ولو مش هأكون وياك بحبك ...
بحبك .. ولو لغيري هواك بحبك .....
بحبك .. وهفضل طول أيامي أحبك ....
بحبك .. وحبي ليك من غير أمل ..

جيهان أدهم ..



لو مش هتنزل .. امشي ..

بالنسبة للكائنات اللي قاعدين في بيوتهم ومش ناويين ينزلوا ..وفالحين أول ما تحصل حاجة تخصهم يتنططوا زي القرود ويقولوا آدي اللي خدناه هي مصر اديتنا إيه ..
هو حضراتكم مشرفين معانا كتير .. طيب مش ناويين تنزلوا من باب التغيير حتى .. على فكرة يا بخت من زار وخفف .. فلو ناويين ما تنزلوش يا ريت تاخدوها من أولها كده وتورونا عرض كتافكم .. بجد زهقنا وشطبنا .. كفاية عليكم عالة على البلد طول الوقت ده .. ومن غير آنستوا وشرفتوا كمان .. باي باي ويا ريت ما نشوفكوش تاني ..

اسكندرية ... انزلوا ..

في محرم بك ... بس لجنتي كان فيها ناس ومع ذلك خلصت بسرعة جدا ... وكل اللجان اللي شفتها كانت كده برضه ... دي اللجنة الوحيدة اللي شفت فيها كمية ناس ..
يا خوفي من اسكندرية ... انزلوا بقى ...





انزلوا ..

لو المشاهد والصور اللي على الانترنت دي حقيقية يبقى اشمعنا لجان اسكندرية فاضية ... انا حاسة ان في حاجة غلط ... انزلوا وقولوا للدنيا كلها أننا نزلنا في 30 يونيو ورجعنا مصر ... كده شكلنا هيبقى وحش أوي
#تحيا_مصر

هي ليست أنا ...

مش كل حاجة بنعملها بتبقى زينا ... جايز جدا تكون مجرد رغبة في التغيير . أو إننا نخرج بره الموود .. بس لما بنعملها برضه مش بنبقى مبسوطين .. ﻹنها مختلفة عننا .. حاجة تزهق ..

جيهان أدهم ..

مصر تتحدث ...

صمتا  ... مصر سوف تتحدث غدا
وإنها مصر ... فلا صوت يعلو فوق صوتها

#تحيا_مصر

جيهان أدهم ..

تائهة في دروب الضياع ...

أبحث عنك .. أفتش في كل الخبايا والدروب ...
في الكلمات .. وفي العيون .. وحتى في نبضات القلوب ..
أين إختفيت .. وهل فقدتك أم فقط سأحتاج لبحث دؤوب ..
ءأنت من أعرفها .. أم شبح لمن كانت يوما تذوب ..
تعرف أنها .. تائهة .. ضائعة .. راحلة لمصير مجهول ..
فوداعا يا فتاتي .. واذكريني دوما .. يا صاحبة اللا معقول ..

إلى جيهان ...

صوتك أمانة .. وحق بلدك أمانة ...

#تحيا_مصر

اللي مش ناوي ينزل بكرة أو نازل يبطل صوته ما يستاهلش يشيل اسم مصر ..

واللي مش ناوي ينزل أو نازل يبطل صوته .. ما يسمعناش صوته بعد كده وهو بيطالب بأي حق ..

اللي يضيع حقه وحق بلده ما يستناش ندور عليه

لو مش ناوي تنزل .. تبقى ضيعت حقك بإيدك فأحسنلك تسكت للأبد وما تسمعناش صوتك تاني

تحيا مصر

جيهان أدهم ..

صباح الخير يا واحشني ...

صباح الخير يا واحشني ... نفسي معاك تعيشني ..
وأعيش جنبك ولو ثواني ... ده معاك أنا نفسي بأنساني ...
لو تقدر تقولهالي ... وعمري ما أطلبها من تاني ...
لو أشوف البسمة في عيونك .... عمري الجاي يحلالي ...
حبيت بس أصبح ... على عيونك اللي واخداني ..

صباح الخير ..

جيهان .. — ‏‏تشعر بـ‏التفاؤل‏.

هل من رحيل بلا طعنات .. بلا ألم ..

إليك أكتب وما أراك تُبالي ... يا من غَرسْت محبتك بكياني ..
مالي أراك مُباعدا عني الخطى ... تلوي علي درب الفراق ليالي ..
يا من ظننت العشق بدربه .. جنة على أرض الخيال ببالي ...
رأيت الهوى عنك راحل .. وقلبي إليك مكبل اﻷغلال ..
لا سبيل لقلبي كي ينسى عشقه .. وعشقي لمثلك محض هوان ..
كم مر ليلي بطيئا قاتلا .. يمشي الهوينا ممزقا أحلامي ...
هل من سبيل لرحيل عن دربك ... دون طعنات قد مزقت أوهامي ...

جيهان أدهم ...

تمرد ..

في بعض الأحيان قد تفعل ما يناقضك تماما لمجرد أن تخرج من اﻹحباط الذي تعيش فيه .. قد تشعر أنه لست أنت .. ولكنك تفعله رغم ذلك .. لا لشئ سوى أنك تتحدى أي شئ فقط .. تتحدى لمجرد التحدي .. من وكيف ولماذا .. لا يهم .. خطأ أم صواب .. لا يهم .. إنه التحدي والرغبة في الخروج عن المألوف .. أو ربما إنه التمرد ... وربما أنت تريد التمرد على كل ما تعتقده .. وكل ما تشعر أنه قد تسبب في إيلامك .. وكل ما تسبب في ضياع حق لك في يوم ما .. فقط تمرد .. وفقط تحدي .. وفقط أنت تائه ... لا تدري من أنت .. أم أنه أنت الحقيقي .. أم أنها مجرد نوبة غضب وقد تعود بعدها إلى سابق عهدك ... من يدري ... نعم ... من يدري ... شعور غريب بالتيه والضياع .. ورغبة عارمة في فعل أي شئ بلا هدف .. من أنا .. وماذا أفعل ... لا يهم ... فقط أريد أن أستريح .. فهل من راحة .. وهل من نهاية لما يحدث ... هل ..!!!؟؟؟!!!!

جيهان أدهم ..

ألوم قلبي ..

ألوم قلبي أم ألوم عيناه ... قد صار قلبي نهر الدمع سُكناه
بالدمع ترتوي عيناي وبالهوى ... ذاب قلبي .. مهما الحزن أبكاه
أتذرفين الدمع على حبيب قد ذهب .. أم على قلب هَجْرُ الحبيب أعياه
ربِ إني أسألك رحمة .. من عندك .. أو رأفةً .. ممن يا ربِ أهواه
أشكو إليك هوانيَ على قلْبِه .. يا ليت قلبيَ بعد الهجر ينساه

جيهان أدهم ..

كفاية دم ...

اللي يتاجر بالدين ويستحل دماء الغير مش ممكن يكون مسلم لا له أي دين ولا ملة كفاية بقى مصر بقى لونها أحمر لون الدم واسود لون الحزن
# مصر


جيهان أدهم ..

If ... I ... Miss ... You ...

If I said I would like to hear your voice again ... can you do it for me ... ? .. Please ... I miss you so much ...

Gihan Adham ...

مصر ..

من يمتنع عن المشاركة في التصويت على الرئيس خائن وياريت ما نشوفوش ولا نسمع صوته بيطالب بأي حاجة بعد كده اللي يضيع حق بلده ما يستناش خيرها

جيهان أدهم ..

انزل ... شارك ... حق مصر عليك ..

#تحيا_مصر
ويبقى دور المصريين في الداخل .. انزل وشارك مهما كان رأيك المهم ما تضيعش حقك وحق مصر عليك ...

#Long_live_Egypt

 

لا إله إلا الله ...

من أجمل ما سمعت اليوم أننا نرى الله يوميا
نعم نراه .. ولكن كم منا يراه فعلا ..
لا تجعلوا التناقض يحيركم .. فالله سبحانه وتعالى يجعلنا نراه في إجابته لدعائنا .. وفي نعمه علينا .. وفي نجاتنا من المصائب المحيطة بنا ... وفي كل ما حولنا ... ولكن هل نرى الله فعلا ..أم أن قلوبنا قد عميت وغطت عقولنا مشاغل الحياة .. هل ندرك وج...ود الله فيما نحققه من آمال واستجابة لدعائنا ... هل نتوقف قليلا لنفكر أننا نرى الله ونخجل أن يرانا على ما نفعل .. هل نفكر أن الله سبحانه وتعالى أمامنا ولا نبصره بقلوبنا ... اللهم إني أعوذ بك من عمى القلب والبصيرة .. وأعوذ بك من غضبك ونقمتك .. اللهم يا مقلب القلوب ... أسألك بإسمك اﻷعظم الذي إذا دعيت به أجبت .. وإذا استرحمت به رحمت ... وإذا استغفرت به غفرت .. وإذا دعيت به أجبت ... أن تثبت قلبي على دينك .. وأن ترحمني وتغفرلي ولذريتي ولجميع المسلمين .. وأن تثبتني يوم لا ينفع مال ولا ولد .. وأن تبارك في ذريتي وتجعلهم مسلمين مؤمنين صادقين صالحين نافعين بارين بوالديهم .. وأن تجعلهم أمة واحدة .. وأن تهدني وذريتي إلى الصراط المستقيم ... ربنا ولجميع من قرأ هذا الدعاء ... اللهم آمين ..

Celine Dion and Barbra Streisand - Tell him

I'm sure you know that i love you
listen ... this song for you
I love you ...
— تشعر بـالحب والإشتياق

صديق مميز .. بجد ..

إحساس إن في صديق مميز في حياتك بيبقى أجمل إحساس في الدنيا ... واﻷجمل إنه فعلا يستاهل إنه يكون مميز ... واﻷروع إن هو كمان يكون شايفك مميز ... ساعتها بتبقى الدنيا حلوة بجد ..
جيهان أدهم ..

راحلة .. بلا هوية ... بلا وداع ..

سترحلين ... مجهولة بلا هوية ... بلا وداع .... سترحلين ... نعم ... الأمر كما تدركين .... إنه يقين ... من الفراغ قادمة أنت ... وإلى الفراغ ستذهبين ... لن تُذرَف دمعة ... ولن يضج أحد بالأنين .... اذهبي فليكن الأمر كما كنتِ دوما .. تريدين ...
إلى جيهان ...

لما أقول ... واحشني ... بحبك ...

لما أقول إنك واحشني .. بيبقى نفسي أقول بحبك ... بيبقى نفسي أسمع صوتك .... وأعيش بقية عمري جنبك ... يمكن يوم أسمعها منك ... ولا يوم يحن قلبك .... بس ييجي اليوم وأقولك .... إني عاشقة ماليش من بعدك ...

جيهان أدهم

Elton John - Sorry Seems To Be The Hardest Word

I can't believe it ... I'm dreaming ....

It's me ... I fell so happy ... And I think I will be crazy .. Thanks god ... And please help me to save my mind ....

Woooooooooow

أحيانا عندما تتمنى أن يحدث شئ ما ... وفجأة يحدث هذا الشئ .... لا يمكنك أن تصدق أنه حقيقي ..
إنه شئ رائع
Woooooooooooooooooow

You are my happiness

You are the reason of my happiness ..., but this is secret ....

وحياتك يا بلدي مكملين ... رغم كيد الأعادي والحاقدين ..

خلاص إرتحت ... قتلت وفجّرت ... وفي بلدك حرقت ... إستنى ... عديت ضحاياك .... بيقولوا كام طفل .. على كام ست ... ويمكن كام راجل ولا مجند ... يا ترى فيهم ظابط ولا مفيش .. كام واحد كان سهران عشان إنت تعيش ...
بيقولوا أم الشهيد كانت بتزغرد .... إبني دخل الجنة بأمان .... وفي عز الزغرودة إتنفضت فجأة وقف لسانها وسكتت ... الصمت سكن قلبها للأبد .... روحها صعدت للي خلقها ... جريت ورا روح ابنها ... خدني معاك ... ما أنا اللي ربيتك وكبرتك ... عشان القاتل يحفر قبرك .... هتسيبني لوحدي لمين غيرك .... إوعى تكون زعلان مني ... أنا عارفة إني صحيتك ... قولتلك انزل بلدك عايزاك .... بس إوعى تتأخر ... مستنياك .... ما عرفتش إنك مش راجع .... وبدل ما أفرح ... قلبي إتملى بالمواجع .... قالولي إفرحي إبنك بطل .... مات وهو بيحرس بلده .... مات علشان لبّى الندا .... وبلده بحياته إفتدى ... بس أنا مقدرتش أكون لوحدي .... جيتلك علشان تونسني .... المرة دي هتفضل جنبي ..... وملايكة ربنا حارساك ....
سمعت الحكاية .... دي كانت أم الظابط ... طيب بتقول إنه كافر .... وقتل وخد رشوة وكان فاجر .... طيب والطفل والست والراجل .... كانوا فوق البيعة ولا كمالة عدد ... هي مصر بقى فاضل فيها كام ولد .... بقى إيه فيها مافيهوش لون الدم .... ومين فيها عايش من غير غم .... كل يوم والتاني قتيل .... طيب قوللي إنت فين الدليل .... إنت قلت إننا كافرين ولأسيادك جاحدين .... هما أسيادك بقوا الخلفاء الراشدين ... واللي يعارضهم يبقى كافر ومالهوش تمن في الدين .... قصدك كده تقهرني ... وتقتلني وتدمرني .... وتبيعها من غير تمن لإخوانك الجاحدين .... طيب خدها مني كلمة ... أقسم برب الدين .... رب العزة والكرامة وجميع المؤمنين ... ما تتهنا في يوم بيها .. بأرواحنا هنفديها  ... دوّر على اللي هيطاطي ... عشان دمك رخيص واطي ... وفي مكانك يا كل شهيد .... بيتولد دم جديد .... هيكمل المشوار .... وحياة دمك يا ولدي .... وحياة ترابك يا بلدي .... حالفين هناخد التار ... بإذن الواحد القهار ... ونصونك ليوم الدين ... من العدا والمأجورين .... فاكر إنك بتقتل فرحتي .... ومني هتسرق دنيتي .... أنا يا ابني عايش بطل ... وإن مت ... بأموت شهيد ... تزفني الملايكة ... وأمي لشمعي تقيد .... في الدنيا مقامي عالي ... وفي آخرتي مقامي أعلى ... بس انت مقامك فين .... هو أصلا ليك مقام .... إنت آخرك كده تطاطي ... على إيد المجرم الواطي ... اللي بيك وبغيرك بيتاجر .... ومالوش أمان ولا دين .... الرب عندي رب سلام ... أنا ربي اسمه الرحمن .... يرحم ويغفر ويسامح ... قالها من فوق سبع سموات .... طمن جميع المظلومين .... لأنصرنه ولو بعد حين .... هتقدر تكدّب ربنا ... ومننا هتاخد حقنا .... دوّر لك على بلد غيرها .... ما تاخدش منها ومن خيرها ..... يحرم عليك ترابها وبحرها ونيلها .... روح للي مستني ياخد خيرها ... مستني في يوم يميلها .... فاكر يقدر يوقعها .... أبدا وحياة اللي زرعها .... وعمّرها ونمّاها ..... ما تمِسوا شعرة منها وقُدرة ربي حامياها ....
( إنا لله وإنا إليه راجعون ) ...
( ولا تحسبن الذين قتلوا في سبيل الله أمواتا بل أحياء عند ربهم يرزقون )
صدق الله العظيم

جيهان أدهم

تعرف

تعرف ... لو آخر لحظة في عمري ... يا ريتها بين إيديك ... لو ليّا عمر تاني ... يا ريتني أعيش حواليك ... لو في عيني نظرة .. نفسي أشوف عينيك .. نفسي صوابعي تلمس يوم إيديك ... لو جوايا حلم ... نفسي أعيشه ليك ... لو في قلبي حب ... قلبي كلّه ليك ... نفسي تفهم ... ما أقدرش أعيش غير بيك ..

جيهان أدهم — ‏‏تشعر بـ‏الحنين‏.

MUSIC of HISTORY - Genetic Rhythm (+قائمة تشغيل)

MUSIC of HISTORY - Contra Naturam (+قائمة تشغيل)

MUSIC of HISTORY - Written Word (+قائمة تشغيل)

MUSIC of HISTORY - Ancient Egypt

دنيا سمير غانم | مش باقيه على حاجه - Donia Samir Ghanem | Mesh Ba2ya 3la...

Swan Lake (El Lago de los Cisnes) COMPLETE - Tchaikovsky - Classical Bal...

Carl Orff_ Carmina Burana معزوفه كارمينا بورانا المشهوره كامله

السيمفونية التاسعة كاملة_لودفيج فان بيتهوفن

سيمفونية شهرزاد - ألف ليلة وليلة

عبد الحليم حافظ - بالأحضان

.قضيه عم احمد للموسيقار عمر خيرت ,عندما يجعل المايسترو نادر عباسي من الج...

Egyptian Music : Omar Khairat ( Soul of October ) (+قائمة تشغيل)

Egyptian music : Omar khairat ( Am Ahmed Case ) (+قائمة تشغيل)

Egyptian music: Omar Khairat ( 100 years of cinema ) (+قائمة تشغيل)

Egyptian Music: Omar Khairat ( Egyptian Overture ) (+قائمة تشغيل)

The Best of Mozart

Romantic Paradise

André Rieu - And The Waltz Goes On

Andre Rieu - Poliushko Polie

André Rieu - Zorba's Dance (Sirtaki)

Can you help me ?!

I need you ... really I am ....

مش هأموت من غير وجودك في حياتي .. المشكلة إني ميتة فيك أصلا ...

لما أقول إني بحب حد ده معناه إني بأموت من غيره .. بس كمان لما بأقول إني مبقتش أحب حد ده معناه إني ما أكتشفتش إني موجودة غير من غيره ...

قرب .. أم إبتعاد ...

ساعات بيبقى القرب من حد حمل تقيل عليه ... كفاية إنه يبقى موجود وبس ولو من بعيد ... واﻷحسن إنك تخليك لوحدك .. أصل نفسك هتفهم أكتر من أي حد ..

نفسي تعرف ..

نفسي تعرف إني بأكلمك انت ...و إن مجرد حتى لما تبقى أونلاين بأتطمن عليك ... بس بأتمنى اليوم اللي إنت كمان يبقى نفسك تتطمن عليا ... يا رب ...

فتاة .. وحلم ...

حدثيني يا فتاتي عن حلم جميل ... عن فتاة صغيرة تاهت بين المروج ... افترشت خضرتها سريرا وداعبت عيناها نسائم الربيع ... عن جميلة نامت بين أحضان الطبيعة في غياهب الزمان .... ذابت في حلمها حتى النخاع .. لم تحلم بفارس بين الضباع ينقذها وتغدو مليكة على يديه .... ولم تحلم بذئب يهاجمها ليهب الحبيب لنجدتها ويغدو مضرب الأمثال ... حلمت بوردة صغيرة نبتت في بستان جميل تتخلله شلالات هادرة .. تسرق أنفاس العاشقين ... مهددة قلوب الطامعين ... حلمت أنها وردة .. تمنت لو أنها نمت لتصبح شجرة باسقة الفروع راسخة في الأرض ... منطلقة إلى عنان السماء .. تظل الهائمين بغصونها الشامخة .. وأوراقها اليانعة ... تثمر فيتقافز الصغار من الفرح ... يهرعون إليها عابثين حولها في مرحهم البرئ .. تهب غصونها لمن تراه يسكن في عش فقير ... تسعد من حولها وتنضج مع ضحكاتهم ثمارها الشهية ... فتتناولها الأيادي البريئة في سعادة غامرة ... تمتد بها السنون فترعى الأبناء والأحفاد ... تذبل وتتساقط في هدوء فرحة القلب ومستكينة الملامح .. تاركة وراءها بذرة ... فقط بذرة ترويها زخات المطر فتنمو لتعود إليها الحياة من جديد .. وتبدأ قصة جديدة وحلم جميل

I'm nothing without you ....

I'm really needing you
I'm really missing you
I need to talk to you
Please do anything to help me
I'm nothing without you
Do you understand me ..
If you are please tell me ..



وعزة نفسي مانعاني ..

ساعات تبقى عايز تقول لحد ... يعني أعملك ايه اكتر من كده .. افهم بقى .. انطق .. ده لو كان أبو الهول كان زمانه نطق .. بس ما ينفعش تقول كده .. وأرجع وأقول ... وعزة نفسي مانعاني ..

حقيقة .. هي دي مصر ..

حقيقة ... يعني الإتنين يتعاهدوا فالمسلم يقرا الفاتحة ..والمسيحي يقول أبانا الذي في السماوات ويعني الإتنين يقفوا يحموا الكنيسة والجامع .. ويعني الإتنين يستشهدوا في حب مصر ... هي دي مصر ..

حد ... واحشني ..

في حد واحشك أوي ونفسك تسلم عليه ... نفسك تقوله اسأل عليا .. أو حتى لمّح من بعيد .. لما بتبعد ... الدنيا لونها بينمحي .... و حزنها عمّال يزيد ... ولو بتسأل ... بس تسأل .. الفرح جوايا يئيد ... لو تلّمح مرة ... و تبيّن ولو سؤال .. نور الدنيا ينطفي ...وشمسك تصبح خيال .. تبقى شمسي ... وتبقى قمري ونور عينيا .... والدنيا بعدك محال ... بس إنت تسأل .. بس إسأل ... خللي فرح الدنيا يرجع .. ده إنت بتجري في الوريد ..
.................................................
جيهان أدهم

الإرهاب بلا دين ... الإخوان الإرهابيون ...

اللي يتاجر بالدين ويستحل دماء الغير مش ممكن يكون مسلم لا له أي دين ولا ملة ..
كفاية بقى مصر بقى لونها أحمر لون الدم واسود لون الحزن ..
#مصر

لو فاهمني ....

أجمل حاجة في الدنيا لما تصحى الصبح تلاقي قدامك حد بتحبه ... حتى ولو لايك على الفيس ... بيبقى إحساس ما لوش حل ... بجد وحشتني .. على فكرة أنا بأتكلم عنك ... عارف مش كده ..

بإختصار ...

بإختصار ... مصر حبيبتي ونور عينيا ..

حاجة في نفسك

ويبقى نفسك تقول حاجة لحد وما تقولهاش عشان عارف ان وجودك في حياته مجاملة رقيقة منه .. وإنه كفاية عليك كده .. خليك في حالك أحسن

مجرد حالة

 

فيسبوك مجرد حالة .. ممكن نبقى عايشينها أو عايزين نعيشها ... أو يمكن عايشين جزء منها .. أو متعايشين معاه .. كتير بيفتكروا إن التعليقات اللي على الصور أو الأغاني أو البوست اللي بأنشره سواء كان سياسي أو تاريخي أو ترفيهي أو أيا كان ... بيفتكروا إن ده جيهان أدهم ... أو إنه وراه معنى معين .. بس الحقيقة إن جيهان مجرد حد بيعشق التاريخ الفرعوني وبيشوف إننا شوهنا تاريخ الأسرة العلوية في مصر وبنشوه تاريخنا تاني بإيدينا دلوقتي ... جيهان حد بيشوف إن الأغنية أو البوست مجرد حالة ممكن نكون بنحب نعيشها أو عيشناها أو عايشين فيها أو بنتمنى نعيشها ومش بالضرورة ابدا إننا نفتكر التعليق اللي بأكتبه على البوست بيعبر عن حاجة معينة ... وإلا فده معناه إني لما بأعمل شير لأغنية زي سبت فراغ كبير فيبقى معناه إني بحب وحبيبي سابني ولما بأعمل شير لعايشة حالة فيبقى معناه إني عايشه قصة حب من طرف واحد ... ده مثل وغيرهم كتير .. زي السؤال على الخيل وسبب إهتمامي بالخيل ... مع إني بأشوف إن من أجمل الحاجات اللي ربنا خلقها هي الخيل ... مش لازم كمان يكون في سبب عشان أتعلق بيها ... جايز أكون مجنونه أو إهتماماتي غريبة ... بس اللي بأنشره هنا هو حاجة عجبتني أو تفاعلت معاها ... وجايز أكتب تعليق يمشي مع البوست أو الأغنية ... وده ما يمنعش إن ساعات ممكن أنشر بوست أو صورة لحد معين هو عارف إنها عشانه من حوار سابق بيننا أو أكتب حاجة قصدي إن صديقة معينة تشوفها وتنبهها لحاجة .. أو إن يلفت نظري شئ فأكتب كلام جايز مايكونش له معنى عند حد .. بس خلى اللي جوايا يخرج وده نادرا ما بيحصل
أنا ما أعرفش باكتب الكلام ده ليه ويمكن برضه مش مركزه أوي في معناه .. بس حسيت إني عايزه أقوله فقلته ... وهو ده الفيسبوك ..
جيهان أدهم

مش مهم ..

لو اكتشفت انك ولا حاجة ........ عادي مش مهم
ولو اكتشفت إنك كنت فاكر نفسك حاجة .... وطلعت ولا حاجة .... برضه مش مهم
ولو افتكرت إنك حاجة بالنسبة لحد وطلعت مجرد حاجة عشان ترضي غروره برضه مش مهم
ولو الحد ده كان أقرب حد ليك وهو عارف كده كويس وبيستغل ده ... برضه مش مهم
ولو اكتشفت إن ......... مش مهم
مفيش حاجة مهمة .... كلها في الآخر وجع قلب عالفاضي ... المهم إنك في النهاية طلعت غبي وطلعت الثقة في حد خيبة ... برضه مش مهم ..
جيهان أدهم

فيسبوك ... أنت أوضح من أن تختفي ...

الفيسبوك الجديد ده ظريف أوي ... أنا حاسه إن لو حد من الــ friends دخل الحمام هيطلعلي notifications بس الصراحة كاشفلي ناس كتير أوي ;)

بحر البقر ...

محافظتي الشرقية .. ومدرستي بحر البقر الإبتدائية ... كراستي مكتوب عليها تاريخ اليوم ...
اليوم 8 / 4 / 1970 مذبحة مدرسة بحر البقر الابتدائية
إسرائيل ... شيطان العصر

I was thinking ....

I was think you know I love you, but I find that you are busy with another woman .... I know it's your life and your right ... but I can't stop myself to love you all the time ... I don't know what can I do to make you feel as my feeling .. and if you know ... why don't you tell me your feelings towards me ... just want to know ... and you know this very well ... please tell me the truth even if it will make me feel sad

Your message ....

I've got the message and understood .... doesn't matter .... ♥ ♥

عشان ما أغلطش وأقول بحبك ...

ساعات تضطر تعامل حد بجفاء عشان صوابعك ما تخدعكش وتكتبله بحبك أو وحشتني ... وغصب عنك تبقى هتموت عليه وهو مش حاسس ... ويمكن كمان ياخد تصرفك على إنك بتبعد أو إنك إتغيرت ومش زي الأول ... تبقى بتتقطع من جواك عشان ما تكتبلوش إنه وحشك زي كل مرة ... بتبقى مش عارف تقوله إيه ولا تفهمه اللي جواك ... نفسك يغلط مرة وبدل ما بيكلمك على الفيسبوك والواتس آب يطلب رقمك ولو بالغلط وتسمع صوته .... وبرضه مش فارقه معاه ولا عمرها هتفرق .. بإختصار ... إنت مجرد حاجة ... مش أكتر من كده .. جيهان أدهم

Just talk ....

Just talk .... say any word ... you don't know how you can make me feel better by your words ...
Can I ask you something ... Please call me next time ... I need to listen to your voice ... I miss you dear .. I miss you so much ... Please make me happy if you can .... ♥

إختلاف متفق عليه ...

بغض النظر عن اتفاقنا أو اختلافنا مع باسم يوسف ... ورغم اختلافي الشديد معه في بعض الأحيان .. إلا أنه أصاب كبد الحقيقة عندما تحدث عما اصطلحنا على تسميته بالمطبلاتية ..
ألا ترون أن هناك بعض الملكيون أكثر من الملك نفسه وأن هناك من يحاولون فعلا صنع السيسي الإله ؟
أم أن المصريون أصبحوا مدمنين لهذه العاده الفرعونيه ...
من باب... العلم بالشئ وليس أكثر فقد كان مدعوا الحرية والثورات يهاجمون الحكام السابقين لهذا السبب و بالمصادفه البحته هؤلاء هم أنفسهم من يصنعون الإله الآن
ليس معنى اختلافنا مع البعض أنهم سيئون على طول الخط وأنهم لا يصيبون كبد الحقيقة أبدا ..... والعكس صحيح أيضا
لذا رجاءا ... وقفة صغيرة مع النفس لمراجعة ما يحدث عسى ألا تتكرر أخطاء السابقين ... وحفظ الله مصر...
جيهان أدهم

بيمر الوقت ... فضفضة عالماشي ....

بيمر الوقت .. وتعدي السنين .. وفي حاجات بتفضل جوانا ... مهما حصل مش بننساها .. وما نقدرش أصلا ننساها ... وفي حاجات بتأثر فينا ... ويفضل تأثيرها معانا طول عمرنا ... ويدوب فينا لحد ما يبقى جزء مننا ...
كتير باسأل نفسي .. أنا ليه دايما بأحن لمسلسل زي رأفت الهجان أو ليالي الحلمية .. مهما اتعادوا لازم أتفرج عليهم وبأبقى حافظة الحوار وعارفة الأحداث .. بس برضه لازم أشوفهم .... يمكن رأفت بيحسسني بالوطنية والإنتماء ... يمكن عشان كانت أول مرة رغم إني كنت في أولى إبتدائي لما إتعرض الجزء الأول ... لكن كانت أول مرة أعرف يعني إيه مصر وأحس بمعنى إني مصرية ... يعني إيه لما رأفت قال لمحسن ممتاز وأنا رقبتي سدادة .. كانت كلنا عينينا بتدمع ... يعني إيه بطل ويعني إيه بطولة .... يعني إيه جيش ويعني إيه عدو .. ويعني إيه وطن ...
ليالي الحلمية ... وده يمكن يكون اللي بيحيرني بجد .... مش بأبقى عارفة أنا بأحنله ليه .. يمكن بأدور فيه على حدوتة حبيتها ... ولا على أخلاق اتربيت عليها وبأفتقدها ... ولا على ناس كان نفسي أعيش معاهم ... ولا أخلاق فرسان مش بيضربوا بعض من تحت الحزام ... الخصومة بينهم شريفة .... ولا على جدعنة ولاد البلد اللي راحت وراح زمانها ... ولا على فن جميل أقسى جملة ممكن نسمعها فيه لما يتقال على حد ابن الرفضي ...
ساعات بأقعد أفكر .... يا ترى أولادي هيطلعوا زي ما إتربيت .... طيب يا ترى لما هيسمعوا كلمة مصر قلبهم هيدق ويحسوا معناها .... طيب يا ترى هيحبوها ... ولو حبوها ... هيحبوها بس ولا هيعشقوها زي ما أنا دايبة في هواها ....
يا ترى .... ويا ترى ........
وجعت دماغكم ..... معلش ... أهي فضفضة عالماشي .....

جيهان أدهم

إهداء إلى روح شهداء مصر الحقيقيون ... شهداء الجيش والشرطة ....

صباح الخير يا مصر
ودايما يا مصر بخير رغم اﻷعادي واللئام ... مهما قتلوا ولادك ومهما حرقوا وخربوا .. باقية يا بلدي دايما ليوم الدين .. قالها رب كريم .. حرم عليهم جنته .. ونور لإبنك سكته .. عرفه إن الشهيد فدا بلده .. مش الجماعة ولا المرشد .. وإن مصر راجعة ولو طال غيابها .. وﻻدها قادرين ومصممين .. يكيدوا اﻷعادي ويحموها لي...وم الدين ... عظيمة يا مصر .. وباقية ... فيكي أم الشهيد باكية .. دم إبني في الكتاب متصان ... وحقه راجع مش هيضيع .. ياللي إنت ناكر بلدك كده متهان .. وفي الآخر إنت شخص وضيع .. هنفضل إحنا في التاريخ شجعان .. وتفضل إنت كلب بديع ... يموت إبني فدا بلده ... يفضل حي ويكمل سكته ولده ... ولاإتهزينا في يوم ولا بنخاف ... الحق فوق والجبان خواف .. يجري وقلبه مليان خوف .. ملعون في دنيا وآخرة .. مالوش دين ولا ملة ... ما يعرفش إن البلد باقية .. طول ما فيها أسود وحوش يهدوا جبال .. حارسينك يا بلدي ويفضل الموال .. يحكي الحكاية لإبن كل شهيد .. أبوك كان بطل وإنت اﻷمل الجديد .. إنت سندي وضهري وحاميني ... بإيدك إنت بتقويني وتحييني .. يحميك ربي يا ابني يا نور عيني ... وحارسك يا بلدي من فوق سبع سماوات ...
أنا ديني عالي ومنك انت براء ... آمنت بموسى وعيسى ومحمد والسيدة العذراء .. ديني دين توحيد وحق ولو قلة ... وإنت خسيس وجبان مالكش يوم ملة ... شايف بيادتي وده تمامك ... تشوفها بس ما تشوف نور الحق قدامك .. هأفضل أحكي الحكاية وأكمل الموال .. وأنا يا ابني نوري في السما أول ما التاريخ ينقال ... أنا الفراعنة والحضارة والنيل واﻷهرامات ... أنا نجيب وزويل وكتير ماﻹنجازات .. ديني دين توحيد والرب عالم بيه .. فيه الشهيد يترفع لرب عارف بيه .. يسأله يوم السؤال دمك يا عبدي فين .. يقوله قتلني خاين وناسي أهم شاهدين ..بإسمك يا رب يتاجر ورافعلي راية الدين .. يرفع راية الدين وقلبه يا ناس فاجر .. خاين مالوش أمان و ﻻ عزة ولا نخوة .. الزيف بيجري في دمه مالوش يا ناس زهوة .. عبد وسيده المرشد يا ناس أمره ... ونسى إن الكون عباده إءتمروا .. بأمر واحد أحد ما يرضاش يا ناس غدره ... ناسي إن كل كبير فوقه إله أكبر .. وإن سيده جبان عمره ما كان أكبر .. طول عمره قاعد وناكر يا ناس خيرها .. ولا له خير فيها أبدا ولا في غيرها ..زي ماباع بلده بكرة يبيع غيرها .. ما هو تاجر يا ناس فاجر ولا يقدر يقدرها .. وإن شاء رب العباد يمحيه ويبقيها ... باقية بلدي دايما والرب حاميها ..
باقية يا مصر دايما رغم أي شئ ... صباح الخير يا بلدي
تسلم إيدينك يا كل مجند وظابط وشهيد .. حقك مش هيضيع أبدا ده شيء أكيد ..

جيهان أدهم

اسأل عليا

لو قلت إنك واحشني إوعى تصدق كلامي .. مهما أوصفلك مش هتحس بآلامي ... إزاي توحشني وصورتك في قلبي وقدام عينيا .. بس لو تسأل إنت في يوم عليا ... لو مرة أحس إنك مهتم .. أو إني فارقة معاك .. دايما بسأل عليك وبستناك .. نفسي أسمع مرة صوتك .. نفسي تسلم يوم عليا .. نفسي أشوفك وأنسى الدنيا من حواليا .. ده إنت مني .. وحاسة اني غصب عني شايفة طيفك يحضن فيا .. نفسي مرة .. بس مرة .. تسأل انت في يوم عليا ..

العنف في المجتمع المصري .. ظاهرة بدأت متقطعة ثم أشعلتها السينما المصرية وفاقمتها إنتخابات الرئاسة المصرية 2005م.

قد يبدو العنوان غريبا أو شاذا للوهلة الأولى .. نظرا لإرتباط ظاهرة عدوانية بما يمكن أن نطلق عليه تطورا إصلاحيا في إتجاه الديمقراطية ... ولكن ... وآه من ولكن ... فهي تجذبنا للأسف إلى أحداث بداية الألفية ... حيث بدأ الأمر في
الظهور .. ولم يتحول إلى ظاهرة بعد ... ولكننا أشعلنا فتيل الأزمة بأيدينا ... وها نحن اليوم نحصد ما زرعناه ...
 **** البداية ... السينما المصرية ...

... مما لا شك فيه أننا  في المجتمع المصري نتأثر كثيرا بما نوجه إليه ،سواء كان توجيها داخليا أو خارجيا ... وأقصد هنا أننا مازلنا نوجه بفعل الحكومة مثلا نحو قضية معينة أو إتجاه معين ، وكذلك يمكن للإعلام الأجنبي مثلا وفي الأفلام تحديدا بنسبة 90% وبعض القنوات سواء كانت عربية مثل الجزيرة أو أجنبية مثل الـ CNN أو الـ BBC التأثير في الرأي العام المصري في بعض القضايا ..
 ... المهم .. نعود إلى موضوعنا وإن كان وثيق الصلة بما فات ، فالجميع يعلم تأثير أفلام السينما في تفكير وعقول الشباب، وقد سبقنا الغرب في دراسة هذه التأثيرات بإستفاضة ... ولكن كالعادة فنحن لا نأخذ إلا السطحيات دون المضمون ، البداية كانت مع الفيلم الرائع للنجم المحبوب أحمد السقا .. ( مافيا ) والذي كان بداية لسلسلة مختلفة
جديدة على السينما المصرية من حيث النوعية والإنتاج ، وحتى طريقة التمثيل ... وجديدة على شبابنا أيضا .. الفيلم قدم نموذجا لشاب مصري تعرض لبعض المعوقات في حياته في الكلية العسكرية التي إلتحق بها بعد شقاء السنين وكفاح والده العامل الذي أغلق المصنع الذي كان يعمل به , فجلس في منزله بلا عمل ولا مورد للرزق .. وإختار
الشاب السفر للخارج ... والإنخراط في عالم المافيا .. حتى تستقطبه المخابرات المصرية بعد دراسة معدنه الأصيل الذي يحتاج فقط إلى نفض الغبار عنه ... حتى يتحول البطل من شاب متهور فاسد إلى بطل قومي ، وشخص ناجح جدا ، ساهم في حفظ أمن بلاده المحبوبة ... الفيلم قدم نموذج البطل ... ولاقى نجاحا سينمائيا باهرا ... وشعبيا
أيضا ...فأحبه الشباب ... ووجدوا فيه مثالا وقدوة .. و ..... !!!!؟؟؟؟

... وهنا ... أتوقف قليلا ... لنبدأ تحليلنا من وجهة نظر أخرى ومن جانب آخر تماما .... فالواقع أن علاقة المجتمع المصري بالقصص المخابراتية .. لا تتعدى في واقع الحال ( بغض النظر عن حب الجمهور المصري للأفلام الأمريكية في هذا السياق ) لا تتعدى بعض القصص أو القضايا الشهيرة ... مثل "رأفت الهجان" ( رفعت الجمال ) ، أو "جمعة الشوان" ( أحمد الهوان ) ، أو "عزام عزام" صاحب القضية الشهيرة ... أو "فضيحة لافون" ... وإن كان الكثير من الجيل الحالي لا يعلمون عنها شيئا .... والجزء الأكبر من شبابنا ... أو على الأقل قطاع كبير منه ... مرتبط بشخصية "أدهم صبري" الشهيرة التي قدمها الكاتب المبدع " د. نبيل فاروق " وصارت قدوة ... وهدفا .. ومعشوقة للشباب المصري والعربي أيضا .. ولكن وعلى الرغم من هذا ... لم ... يتطرق التفكير أبدا ...إلى أن هناك صراعات مخابراتية كما حدث في الفيلم ... تجري على أرض مصر ... وبهذه الحدة والحرفية ... وأن أي شاب يمكن أن يجد نفسه فجأة واقعا في صراع مخابراتي وقد يكون أحد أطراف هذا الصراع بشكل مباشر أو غير مباشر ...
 .... وبدأت الفكرة الفكرة تتوالد داخل نفس كل شاب وفتاة أيضا ، فما المانع أن يشارك في عمل مخابراتي أو بطولي ويصبح بطلا ؟ .... في البداية كانت الفكرة إيجابية ولكن مع الوقت ومع توالي الأحداث تحولت الفكرة إلى
فكرة بطولية وهمية ، لا يهم فيها ( فيم أو كيف ) ولكن المهم أن تصبح بطلا ...أو بمعنى أدق ومن خلال هذا المفهوم الجديد ... كيف تصبح بطلا ... أو بمعنى أدق ومن خلال هذا المفهوم الجديد كيف تصبح إنسانا خارقا ليس له ند .. ولا مثيل .. يهابه الجميع ويخشاه الجميع ايضا ... مخطئ أو مصيب لا يهم .. المهم .. كيف تتحول إلى ذلك
البطل الزائف ؟
 .. ولكي لا يظن البعض أنني قد حملت الأمور أكبر من طاقتها .. فإنني لا اتكلم هنا عن الفيلم بحد ذاته  بل عن موجة من الأفلام تلته على نفس الوتيرة وكذلك عدد من المسلسلات التليفزيونية ... وبدأ ناقوس الخطر يدق ... ولم يلتفت أحد ...

... المشكلة أن تلك الأفلام أدخلت نوعا من الفن لم نعتمد عليه كثيرا وخاصة بهذه التقنيات الحديثة وهو الأكشن ... وأصبح حلم كل فتى وخاصة ممن لم ينالوا قسطا وافرا من التعليم والحظ  ... أو ممن جابهتهم الحياة بمرها الأليم ... أن يتفوق في هذا المجال ... وكيف يبدو صاحب جسد رياضي يجذب الفتيات ويتباهى بقوته أمامهن ... ويبحث عما يمكن أن يبرز هذه القوة أكثر، فيلجأ لإثارة الخناقات والعراك .. و .. ينتصر .. ويصير بطلا ... من ورق ...

... الكارثة الكبرى .. كانت في نوع آخر مصاحب لهذه النوعية من الأفلام .. ولكنه لم يقدم نفس الموضوع .. وإنما تحدث عن بطل من نوع آخر، بطل في النصب والغش والخداع .. يتحول بقدرة القادر من نصاب إلى شخص يغني يعيش حياته كيفما شاء ثم تأتي الصحوة المباغتة على يد يحبها ... ويالها من صحوة يرد بها المظالم إلى أهلها ويتمكن من عيش حياة رغداء سعيدة دونما مشكلات، وكأنما اصبح النصب والإحتيال هما الطريق الوحيد لعيش حياة رغيدة .. واتحدث هنا عن الأفلام من نوعية إوعى وشك وكذلك عدد كبير من المسلسلات والأفلام على نفس الوتيرة ..

... ما فات كان مصاحبا لتغيرات تحدث في المجتمع المصري منذ زمن مثل هجوم الفضائيات الغنائية والمسلسلاتية، وانهيار الأخلاق وارتداء الفتيات نوعية من الملابس إما محتشمة للغاية .. مثل العباءات أو متبرجة سافرة للغاية أيضا وعارية في أحيان كثيرة .. وما يصاحب ذلك من بطالة وانتشار المخدرات .. وأصبح الحشيش والبانجو مثل الفول
والفلافل في المجتمع المصري والمدارس المصرية .. ناهيك عن الحراك السياسي متمثلا في الحدث الكبر .. " فتح باب الترشح للإنتخابات الرئاسية المصرية " وقبلها إجراء إنتخابات نيابية حرة للمرة الولى يشرف عليها القضاء بشكل كامل ..
ورغم ما شابها من أخطاء ولكنها أفرزت فوز عدد كبير من الإخوان المسلمين ودخولهم لمجلس الشعب ... وهنا بدأت المشكلة تتصاعد ..

... تعودنا جميعا ومنذ قديم الأزل .. واتحدث هنا عن مصر والمصريين بشكل عام .. منذ أيام الفراعنة على إحترام الحاكم أو الفرعون وقتها .. وحتى لحظة التعديلات الدستورية وإجراء إنتخابات الرئاسة .. لم يجرؤ أحد على سب رئيس الجمهورية بشكل علني ابدا ... وأزعم أنه رسخ في ضمير الكثير منا ... أن هذا الحاكم مهما إختلفنا معه لا يصح أبدا
أن نشتمه فهو رمز البلاد وممثلها في المحافل الدولية .. هكذا تعلمنا ... وتربينا ... ونشانا أيضا .. كما نشأنا على المطالبة بالإبتعاد عن السياسة وعدم الإنجذاب وراء أي حزب او جماعة حتى لا يضيع مستقبلنا ... ثم فجأة طُلب منا الإنخراط في السياسة والحق في الإنتخاب .. وظهرت جماعات مثل كفاية التي بادرت أول ما بادرت بالسباب
والشتائم .. وتلتها مجموعة من الصحف والكتاب المكبوتين والحانقين وفيهم الكثيرين الذين كانت لهم مواقف مخالفة تماما فيما سبق على ما فعلوه بعد فتح باب الإنتخابات ... وتوالت الأحداث وتصاعدت الشتائم لتنال كل مايخص الرئيس وأسرته والعائلة باكملها.. وبأقذع أنواع الشتائم التي عرفتها ألسنتنا ... وانهارت القدوة .. وسقط القائد .. ولا أتحدث هنا عن انهيار وسقوط سياسي ، ولكني أتحدث عن انهيار معنوي في أذهان الشباب ... شباب وجدوا أن لا كبير لهم .. فأصبحوا هم الكبار .. وهم في الحقيقة مجرد صغار لا يفقهون شيئا ... هم ضحايا صنعتهم أيدي الطامعين والطامحين في السلطة والمآرب الشخصية .. وعلى راسهم جورج إسحاق وايمن نور .. ومصطفى الفقي ومصطفى بكري
.. ولكل قصته واسلوبه في التحايل والنفاق وجذب الإنتباه .. وأعرف أن الكثيرين سيختلفون معي وبخاصة حول ما كتبته من أسماء .. ولكن عموما ليس هذا موضوعنا .. فالكارثة حدثت أخيرا وبشكل عملي .. فما فشلت فيه الأفلام والإعلام الغربي .. حققناه نحن بأيدينا .. هدمنا كل كبير .. وهدمنا معه عاداتنا وتقاليدنا واخلاقنا وأصبحنا نطالب بالبطش الأعمى بكل كبير وصغير ... ونعادي أنفسنا قبل الآخرين ..

... لا أختلف مع أحد على أن التعددية حق لنا والإنتخاب حق لنا أيضا ، ولكن ليس على تلك الصورة العمياء .. والتقليد الفج للمجتمع الغربي .. دون النظر لأيديولوجيتنا العربية والإسلامية ... فتاريخ حضارتنا ، وحتى في عهد الفراعنة كان يتحدث عن حاكم واحد .. وما دام هذا الحاكم لم يخطئ فلا مبرر لتغييره والثورة ضده .. وهذا هو المفترض أن يحققه النظام الإنتخابي ..

.. ففي رأيي أن الإنتخاب ليس هدفه الأساسي هو تغيير الحاكم ، وإنما هو تقييم مستواه وبالتالي الإحتفاظ به او تغييره .. إذا فالتغيير هو نتيجة الغرض الفعلي للإنتخابات .... وهو التقييم ... بل إن مصر لم تحقق مجدها في العصر الحديث إلا على يد حاكم وصف بالمحتكر ، هو " محمد علي باشا " ..

.... قلدنا الغرب تقليدا أعمى .. فأصبحنا نشتم كبارنا ونسُبهم ونسُب أنفسنا ... رغم أننا ندرك تماما أن هذه هي ثقافتهم ... أما ثقافتنا نحن .. فلا  ... ثقافتنا الحقيقية هي الإختلاف والنقاش ولكن بدون السباب وإنتهاك اعراض الاخرين .. هذه هي حياتهم .. أما نحن فلم يكن هذا تراثنا أبدا .. ومن أيام خلفاؤنا .. ولكي لا يقول احد وماذا عن على وعثمان ومعاوية وغيرهم .. أدرك كل هذا .. ولكن لا أعتقد أبدا أن أحدا منهم جرؤ على ان يشكك في شخص
الآخر .. تقاتلوا .. نعم .. وتناحروا أيضا .. نعم .. ولكنهم لم ينتهكوا أعراض بعضهم .. لم نسمع عن احدا




.. إلى هنا توقفت كلماتي في فبراير 2009 م. .... وأشهد الله أنني لم أقرا هذه الكلمات ثانية سوى في أكتوبر 2012 م. .. وبالتحديد في نهاية أكتوبر 2012 م. .... والحقيقة أنه لم يعد هناك ما يقال .. فما جرى قد جرى .. وما سقط قد سقط .. وما زلنا في الإنتظار .. والمؤكد أنه .. الأسوأ ... لم يأت بعد ..

 7 / 11 / 2012 م.

 الساعة الواحدة وخمس دقائق ظهرا ..

جيهان أدهم